“நானெல்லாம் போயஸ் கார்டனில் வீடு வாங்கக்கூடாதா?” - விமர்சனங்களுக்கு தனுஷின் நேரடி பதில்

 தமிழ் சினிமாவின் முன்னணி நடிகரான Dhanush சமீபத்தில் நிகழ்ச்சி ஒன்றில் கலந்துகொண்டு, தனது தனிப்பட்ட வாழ்க்கையைச் சுற்றியுள்ள விமர்சனங்களுக்கு திறந்த மனதுடன் பதிலளித்தார்.

அப்போது, போயஸ் கார்டனில் வீடு வாங்கியதைத் தொடர்ந்து எழுந்த விமர்சனங்கள் குறித்து கேள்வி எழுப்பப்பட்டபோது, அவர் தனது நிலைப்பாட்டை தெளிவாக வெளிப்படுத்தினார்.

“விமர்சனங்களை எப்படி எடுத்துக்கொள்வது என்பது நம் கையில் தான் இருக்கிறது. நான் போயஸ் கார்டனில் வீடு வாங்கக்கூடாதா? என்று கேட்டது பலரிடம் தாக்கத்தை ஏற்படுத்தியுள்ளது,” என அவர் கூறினார்.

மேலும், தனது பேச்சு சிலருக்கு ஊக்கமாக அமைந்துள்ளதாகவும் அவர் பகிர்ந்துகொண்டார். “ஒரு ரசிகர் என்னிடம் வந்து, ‘உங்கள் பேச்சு என் மகனுக்கு உந்துசக்தியாக இருந்து, அவன் இன்னும் அதிகமாக முயற்சி செய்கிறான்’ என்று சொன்னார்,” என அவர் தெரிவித்தார்.

அதோடு, தனது கருத்துகள் சிலருக்கு ஊக்கமாக இருந்தாலும், மற்றவர்களுக்கு அது மீம்ஸ்களாக இருந்தாலும் பரவாயில்லை எனவும் அவர் குறிப்பிட்டார். “அதுவும் ஒரு பொழுதுபோக்கு தானே… அதுவும் நம் வேலைதான்,” என சிரிப்புடன் கூறிய அவர், மீண்டும், “ஏன் நானெல்லாம் போயஸ் கார்டனில் வீடு வாங்கக்கூடாதா?” என்று வினவினார்.