22ஆவது அரசியலமைப்புத் திருத்தம் - உயர்நீதிமன்ற தீர்ப்பு சபாநாயகருக்குக் கிடைத்தது

22ஆவது அரசியலமைப்புத் திருத்தம்: உயர்நீதிமன்ற தீர்ப்பு சபாநாயகருக்குக் கிடைத்தது 22ஆவது அரசியலமைப்புத் திருத்தச் சட்டமூலம் தொடர்பான உயர்நீதிமன்றத்தின் வியாக்கியானம் (முடிவு) சபாநாயகர் ஜகத் விக்கிரமரத்னவிற்கு கிடைத்துள்ளதாக சபாநாயகர் அலுவலகம் உறுதிப்படுத்தியுள்ளது.

இதற்கமைய, சபாநாயகரினால் குறித்த வியாக்கியானம் வரவிருக்கும் நாட்களில் நாடாளுமன்றத்திற்கு முறைப்படி அறிவிக்கப்படவுள்ளது. 

சட்டமூலம் சமர்ப்பிப்பு: கடந்த ஆகஸ்ட் 18ஆம் திகதி நீதி மற்றும் தேசிய ஒருமைப்பாட்டு அமைச்சர் ஹர்ஷன நாணயக்காரவினால் 22ஆவது அரசியலமைப்புத் திருத்தச் சட்டமூலம் நாடாளுமன்றத்தில் சமர்ப்பிக்கப்பட்டது.

அச்சட்டமூலத்திற்கு சவால் விடுத்துத் தாக்கல் செய்யப்பட்ட மனுக்களைப் பிரதம நீதியரசர் தலைமையிலான 5 நீதிபதிகள் கொண்ட அமர்வு விசாரித்து, அதன் அரசியலமைப்புத் தன்மை குறித்த வியாக்கியானத்தை சபாநாயகருக்கு அனுப்பி வைத்துள்ளது.

இச்சட்டமூலம் தொடர்பான நாடாளுமன்ற விவாதம் செப்டம்பர் 24 மற்றும் 25ஆம் திகதிகளில் நடைபெறவுள்ளதாக நாடாளுமன்ற அலுவல்கள் பற்றிய குழு ஏற்கனவே தீர்மானித்துள்ளது.