டாடா சியரா 'லெஜண்ட் சீரிஸ்' அறிமுகம்

டாடின் லெஜண்ட் சீரிஸில் குறைந்த விலை வேரியன்ட்களிலும் கூடுதல் வசதிகளை டாடா மோட்டார்ஸ் அறிமுகப்படுத்தியுள்ளது. இதற்கா சியரா லெஜண்ட் சீரிஸ்: குறைந்த விலை வேரியன்ட்களிலும் கூடுதல் அம்சங்கள்

டாடா சியரா காரின் லெஜண்ட் சீரிஸில் குறைந்த விலை வேரியன்ட்களிலும் கூடுதல் வசதிகளை டாடா மோட்டார்ஸ் அறிமுகப்படுத்தியுள்ளது. இதற்காக தற்போதைய மாடல்களின் விலையை விட ரூ.50,000 வரை கூடுதல் விலை நிர்ணயிக்கப்பட்டுள்ளது.

ஸ்டாண்டர்டு ஸ்மார்ட்+ வேரியன்ட்டின் விலை ரூ.11.49 லட்சமாக இருக்கும் நிலையில், புதிய லெஜண்ட் சீரிஸ் மாடல்களின் விலை ரூ.11.99 லட்சம் முதல் தொடங்குகிறது. அதேவேளை, ஏற்கனவே விற்பனையில் உள்ள வேரியன்ட்களும் லெஜண்ட் சீரிஸ் மாடல்களுடன் தொடர்ந்து விற்பனை செய்யப்படும். லெஜண்ட் சீரிஸின் அனைத்து வேரியன்ட்களிலும் ‘L’ என்ற பின்னொட்டு இடம்பெறும்.

லெஜண்ட் சீரிஸில் **ஸ்மார்ட்+ L, பியூர் L, பியூர் L (O), பியூர்+ L மற்றும் அட்வென்ச்சர்+ L** ஆகிய வேரியன்ட்கள் இடம்பெற்றுள்ளன.

Smart+ L

ஸ்மார்ட்+ L வேரியன்ட்டில் ஸ்டீயரிங் வீலில் பொருத்தப்பட்ட கட்டுப்பாடுகள், தானாக மடியும் ORVM-கள் மற்றும் லெதரெட் கேபின் மெட்டீரியல்கள் உள்ளிட்ட கூடுதல் அம்சங்கள் வழங்கப்பட்டுள்ளன.

Pure L

பியூர் L வேரியன்ட்டில் 10.25-இன்ச் சென்டர் ஸ்கிரீன், வயர்லெஸ் கனெக்டிவிட்டி, கைடட் லைன்களுடன் கூடிய ரிவர்ஸ் பார்க்கிங் கேமரா, டிரைவ் மோட்கள், டயர் பிரஷர் மானிட்டரிங் சிஸ்டம் (TPMS) மற்றும் உயரத்தை சரிசெய்யக்கூடிய ஓட்டுநர் இருக்கை உள்ளிட்ட வசதிகள் சேர்க்கப்பட்டுள்ளன.

Pure L (O)

பியூர் L (O) வேரியன்ட்டில் வாய்ஸ் கண்ட்ரோல், பனோரமிக் சன்ரூஃப், ஆட்டோமேட்டிக் ஹெட்லைட்கள் மற்றும் ரெயின்-சென்சிங் வைப்பர்கள் உள்ளிட்ட கூடுதல் அம்சங்கள் இடம்பெற்றுள்ளன.

Pure+ L 

பியூர்+ L வேரியன்ட்டில் முழுமையான லெதரெட் இன்டீரியர், வென்டிலேட்டட் முன்பக்க இருக்கைகள், ஆறு விதங்களில் மின்சார முறையில் சரிசெய்யக்கூடிய ஓட்டுநர் இருக்கை, பாஸ் மோடு, டூயல்-ஜோன் ஆட்டோமேட்டிக் கிளைமேட் கண்ட்ரோல் உள்ளிட்ட வசதிகள் வழங்கப்பட்டுள்ளன.

மேலும், ஓட்டுநர் பக்க ஒன்-டச் ஆன்டி-பிஞ்ச் பவர் விண்டோ, 65W USB-C சார்ஜர்கள், பூட் லேம்ப் மற்றும் பின்புற டிஃபாகர் ஆகியவையும் இதில் இடம்பெற்றுள்ளன.

Adventure+ L

அட்வென்ச்சர்+ L வேரியன்ட்டில் 360 டிகிரி கேமரா, பிளைண்ட்-ஸ்பாட் மானிட்டரிங், பார்க்கிங் சென்சார்கள், LED ஃபாக் லைட்கள், FSD மற்றும் டெரெய்ன் மோட்கள் உள்ளிட்ட வசதிகள் வழங்கப்பட்டுள்ளன.

இதனுடன் 12.3-இன்ச் இன்ஃபோடெயின்மென்ட் சிஸ்டம், 10.25-இன்ச் இன்ஸ்ட்ரூமென்ட் கிளஸ்டர், ஆம்பியன்ட் மூட் லைட்கள், வயர்லெஸ் சார்ஜிங், ஆர்ம்ரெஸ்ட் கொண்ட பின்புற இருக்கைகள், அட்ஜஸ்ட் செய்யக்கூடிய ஹெட்ரெஸ்ட்கள், 60:40 ஸ்ப்ளிட்-ஃபோல்ட் மற்றும் ரெக்லைன் வசதி, குளிரூட்டப்பட்ட க்ளோவ்பாக்ஸ் உள்ளிட்ட அம்சங்களும் இடம்பெற்றுள்ளன.

இன்ஜின் மற்றும் கியர்பாக்ஸ்

டாடா சியரா லெஜண்ட் சீரிஸில் இயந்திர ரீதியாக எந்த மாற்றமும் செய்யப்படவில்லை. இதில் 1.5 லிட்டர் ரெவோட்ரான் பெட்ரோல் இன்ஜின் 105 bhp பவர் மற்றும் 145 Nm டார்க் திறனையும், டர்போ TGDi இன்ஜின் 158 bhp பவர் மற்றும் 255 Nm டார்க் திறனையும் வழங்குகின்றன.

மேலும், 1.5 லிட்டர் டீசல் இன்ஜின் 116 bhp பவர் மற்றும் 260 Nm டார்க் திறனுடன் கிடைக்கிறது. Adventure+ L வேரியன்ட்டில் புதிய 7-ஸ்பீடு DCT கியர்பாக்ஸ் ஆப்ஷனும் வழங்கப்பட்டுள்ளது.

இவை இந்திய சந்தைப் பெறுமதியாகும்