காதலரை கரம்பிடித்தார் அமலா பால்!

 நடிகை அமலா பால் தன்னுடைய காதலன் ஜகத் தேசாய் என்பவரை கேரளா மாநிலம் கொச்சியில் திருமணம் செய்துள்ளார்.

கேரளத்தில் மிக எளிய முறையில் அவர்களின் திருமணம் நடைபெற்றது. மணமக்களுக்கு பிரபலங்கள், ரசிகர்கள் வாழ்த்து தெரிவித்து வருகின்றனர்.

தமிழ், தெலுங்கு, ஹிந்தி உள்ளிட்ட மொழிகளில் பல திரைப்படங்களில் நடித்தவர் நடிகை அமலா பால். சிந்துசமவெளி படம் மூலம் தமிழில் அறிமுகமானாலும், மைனா படத்திலிருந்து பலரால் அறியப்பட்டவர். அதனைத் தொடர்ந்து தெய்வத்திருமகள், தலைவா உள்ளிட்ட படங்களில் முன்னணி நாயகர்களுக்கு ஜோடியானார்.

தமிழ், தெலுங்கு, ஹிந்தி உள்ளிட்ட மொழிகளில் பல திரைப்படங்களில் நடித்தவர் நடிகை அமலா பால். சிந்துசமவெளி படம் மூலம் தமிழில் அறிமுகமானாலும், மைனா படத்திலிருந்து பலரால் அறியப்பட்டவர். அதனைத் தொடர்ந்து தெய்வத்திருமகள், தலைவா உள்ளிட்ட படங்களில் முன்னணி நாயகர்களுக்கு ஜோடியானார்.

தெய்வத்திருமகள் படத்தில் இயக்குநர் ஏ.எல். விஜய்யுடன் ஏற்பட்ட காதல், தலைவா படத்திற்கு பிறகு பெற்றோர் சம்மதத்துடன் திருமணத்தில் முடிந்தது. எனினும் அவர்களிடையே ஏற்பட்ட கருத்து வேறுபாடு காரணமாக இருவரும் விவாகரத்து பெற்று விலகினர்.

விவாகரத்துக்குப் பிறகு சினிமாவில் அமலா பால் கவனம் செலுத்த தொடங்கினார். ரத்னகுமார் இயக்கிய ஆடை படத்தில் நிர்வாணமாக நடித்தார். அஜய் தேவ்கன் இயக்கத்தில் வெளிவந்த 'போலா' என்ற ஹிந்தி படத்தில் நடித்தார்.

இதனிடையே அவ்வபோது பயணங்கள் மேற்கொள்ளும் அமலா பால், கடந்த மாதம் தனது பிறந்தநாளில் காதலரை அறிமுகப்படுத்தினார். அதனைத் தொடர்ந்து இருவரும் தற்போது திருமணம் செய்துகொண்டனர். அதன் புகைப்படங்கள் இணையத்தில் பலரால் பகிரப்பட்டு வருகிறது.

கேரள மாநிலம் கொச்சியிலுள்ள விடுதியில் எளிமையான முறையில் அமலா பால் - ஜகத் தேசாய் திருமணம் நடைபெற்றது. இதில் நெருங்கிய நண்பர்கள் உறவினர்கள் பங்கேற்றனர்.