ஈரான் மீதான தாக்குதலை இரண்டு வாரங்களுக்குள் முடிவெடுக்கும்: டொனால்ட் ட்ரம்ப்!

ஈரான் மீதான தாக்குதலை இரண்டு வாரங்களுக்குள் முடிவெடுக்கும்: டொனால்ட் ட்ரம்ப்!

இஸ்ரேல் – ஈரான் இடையேயான போர் தீவிரமடைந்துள்ள நிலையில் ஈரானுக்கு எதிராக இராணுவத் தாக்குதலை நடத்துவதா வேண்டாமா என்பது குறித்து அமெரிக்க ஜனாதிபதி டொனால்ட் ட்ரம்ப் அடுத்த இரண்டு வாரங்களுக்குள் முடிவு எடுப்பார். என்று வெள்ளை மாளிகை அறிவித்துள்ளது.

 - வெள்ளை மாளிகையின் பத்திரிகை செயலாளர் கரோலின் லீவிட் செய்தியாளர்களிடம் கூறுகையில்,

"எதிர்காலத்தில் ஈரானுடன் பேச்சுவார்த்தைகள் நடைபெறுவதற்கான கணிசமான வாய்ப்பு உள்ளது என்ற உண்மையின் அடிப்படையில், அடுத்த இரண்டு வாரங்களுக்குள் ஈரானுக்கு செல்லலாமா வேண்டாமா எனும் விடயம் முடிவு செய்யப்படும்.

ஈரானுடன் ஒரு இராஜதந்திர தீர்வுக்கு ட்ரம்ப் வழி திறந்திருந்தாலும், அவரது முக்கிய முன்னுரிமை அந்த நாடு அணு ஆயுதத்தைப் பெறுவதைத் தடுப்பதுதான். எந்தவொரு ஒப்பந்தமும் தெஹ்ரானால் யுரேனியம் செறிவூட்டலைத் தடை செய்ய வேண்டும் மற்றும் அணு ஆயுதங்களை உருவாக்கும் அதன் திறனைக் குறைக்க வேண்டும்.

ஜனாதிபதி ட்ரம்ப் எப்போதும் இராஜதந்திர தீர்வில் ஆர்வமாக உள்ளார்.அவர் ஒரு அமைதியை நிலைநாட்டுபவர். அவர் வலிமை மூலம் அமைதியை ஏற்படுத்துபவர்" என்று அவர் கூறியுள்ளமை குறிப்பிடத்தக்கது.