இனப்படுகொலைக்கு சர்வதேச நீதி யாழ் செம்மணி புதை குழிக்கு அருகில் போராட்டம்!!

இனப்படுகொலைக்கு சர்வதேச நீதி யாழ் செம்மணி புதை குழிக்கு அருகில் போராட்டம்!!

ஈழத்தில் தமிழர்களுக்கு இழைக்கப்பட்ட இன அழிப்பிற்கான தீர்வானது சர்வதேச நீதிப் பொறிமுறைகள் ஊடாகவே வழங்கப்பட முடியும் என்பதை வலியுறுத்தி இன்று வடக்கு கிழக்கு தமிழர் தாயகம் எங்கும் கவனயீர்ப்புப் போராட்டம் முன்னெடுக்கப்பட்டு வருகின்றது.

அவ் வகையில் யாழ்ப்பாணம் செம்மணி புதை குழிக்கு அண்மித்த பகுதியான, நல்லூர் வீதி வளைவு அமைந்துள்ள பகுதியில் இந்த போராட்டமானது இன்று ஆரம்பமாகியுள்ளது. போராட்டத்தில் ஈடுபட்டவர்கள் பதாகைகளை ஏந்தியா வாரும், கோஷமிட்டவாறு தமிழ் இனப்படுகொலைக்கு நீதி வேண்டி போராட்டத்தில் ஈடுபட்டனர்.

போராட்ட களத்தில் நாடாளுமன்ற உறுப்பினர் கஜேந்திரகுமார் பொன்னம்பலம், தமிழ்த் தேசிய மக்கள் முன்னணியின் பொதுச் செயலாளர் செல்வராஜா கஜேந்திரன், வலிகாமம் கிழக்கு பிரதேச சபையின் தவிசாளர் தியாகராஜா நிரோஷ், குரல் அற்றவர்களின் குரல் அமைப்பின் செயற்பாட்டாளர் மு.கோமகன், காணாமல் ஆக்கப்பட்டோரது உறவுகள், சமூக மட்ட அமைப்பினர் மற்றும் பொதுமக்கள் என பலரும் கலந்துகொண்டமை குறிப்பிடத்தக்கது.