அரசியலில் கட்டம் பாய்ந்து திரிந்த ரமேஷ் பத்திரன மீண்டும் SLPP உடன் இணைவு

காலி மாவட்டத்தை பிரதிநிதித்துவப்படுத்தும் முன்னாள் அமைச்சர் ரமேஷ் பத்திரன, பெந்தர - எல்பிட்டிய தொகுதிக்கான அமைப்பாளராக நியமிக்கப்பட்டு, ஸ்ரீலங்கா பொதுஜன பெரமுனவில் மீண்டும் இணைந்துள்ளார்.

இன்று (22) பத்தரமுல்லையில் அமைந்துள்ள கட்சி தலைமையகத்தில் ஸ்ரீ லங்கா பொதுஜன பெரமுன தேசிய அமைப்பாளர் நாமல் ராஜபக்ஷவிடமிருந்து அவர் தனது நியமனக் கடிதத்தைப் பெற்றார்.

மேலதிகமாக, ரமேஷ் பத்திரன, பொதுஜன முன்னணியின் சுகாதார சங்கத்தின் அழைப்பாளராகவும் நியமிக்கப்பட்டுள்ளார்.

இன்று அவருடன், காலி மாவட்டத்தைச் சேர்ந்த முன்னாள் உள்ளூராட்சித் தலைவர்கள் மற்றும் உறுப்பினர்கள் குழுவும் ஸ்ரீலங்கா பொதுஜன பெரமுனவில் இணைந்தனர்.

கடந்த ஜனாதிபதித் தேர்தலின் போது ரமேஷ் பத்திரன, முன்னாள் ஜனாதிபதி ரணில் விக்ரமசிங்கவிற்கு தனது ஆதரவை வழங்கியிருந்தமையும் குறிப்பிடத்தக்கது.