பாகிஸ்தான் முத்தரப்புத் தொடரிலிருந்து பெதும் நிசங்க விலகல்?

பாகிஸ்தானில் நடைபெறவுள்ள ஒருநாள் முத்தரப்புத் தொடருக்கான இலங்கை அணியில் பெயரிடப்பட்டிருந்த தொடக்க ஆட்டக்காரர் பெதும் நிசங்க, காயம் காரணமாகத் தொடரிலிருந்து விலகியுள்ளதாகத் தகவல்கள் வெளியாகியுள்ளன.

இங்கிலாந்து அணிக்கு எதிரான அண்மைய ஒருநாள் தொடரின்போது ஏற்பட்ட காயத்திலிருந்து பெதும் நிசங்க இன்னும் முழுமையாகக் குணமடையவில்லை எனத் தெரிவிக்கப்படுகிறது.

இங்கிலாந்து மற்றும் பாகிஸ்தான் அணிகளுக்கு எதிரான முக்கியமான போட்டிகளில் பெதும் நிசங்க இல்லாதது இலங்கை அணிக்குப் பின்னடைவாக அமையக்கூடும் என எதிர்பார்க்கப்படுகிறது.

இதற்கிடையில், பதும் நிசங்கவுக்குப் பதிலாகத் திறமையான துடுப்பாட்ட வீரர் லஹிரு உதார இலங்கை ஒருநாள் அணியில் இணைக்கப்படலாம் எனத் தகவல்கள் வெளியாகியுள்ளன.

எனினும், இது தொடர்பில் இலங்கை கிரிக்கெட் நிறுவனம் இதுவரை உத்தியோகபூர்வ அறிவிப்பை வெளியிடவில்லை. 

இந்தத் தொடரில் பங்கேற்கும் ஒவ்வொரு அணியும் ஏனைய இரு அணிகளுடனும் தலா இரண்டு முறை மோதவுள்ளன.

லீக் சுற்றுப் போட்டிகளின் நிறைவில் புள்ளிப் பட்டியலில் முதல் இரண்டு இடங்களைப் பெறும் அணிகள் இறுதிப் போட்டிக்குத் தகுதிபெறும்.

பெதும் நிசங்கவின் காயம் மற்றும் அவருக்குப் பதிலாக மாற்று வீரர் ஒருவர் அணியில் இணைக்கப்படுவது தொடர்பான உத்தியோகபூர்வ அறிவிப்பை இலங்கை கிரிக்கெட் ரசிகர்கள் எதிர்பார்த்துள்ளனர்.