டிஜிட்டல் மோட்டார் காப்பீட்டு அட்டை மே 1 முதல் அறிமுகம்

டிஜிட்டல் மோட்டார் காப்பீட்டு அட்டை மே 1 ஆம் திகதி முதல் நாட்டில் அறிமுகப்படுத்தப்படவுள்ளதாக நிதி, திட்டமிடல் மற்றும் பொருளாதார அபிவிருத்தி அமைச்சு அறிவித்துள்ளது.

இந்த புதிய முயற்சி, தேசிய டிஜிட்டல் மயமாக்கல் நடவடிக்கைகளில் முக்கியமான முன்னேற்றமாகக் கருதப்படுகிறது. இதன் மூலம் பொதுமக்கள் பாதுகாப்பு மேலும் மேம்படும் என எதிர்பார்க்கப்படுகிறது.

மேலும், தற்போது பயன்படுத்தப்படும் பிளாஸ்டிக் காப்பீட்டு அட்டைகளுக்குப் பதிலாக டிஜிட்டல் அட்டை அறிமுகப்படுத்தப்படுவதால், சுற்றுச்சூழல் நிலைத்தன்மைக்கும் இது உதவியாக இருக்கும் என்று தெரிவிக்கப்பட்டுள்ளது.

இந்த திட்டம், இலங்கை காப்பீட்டு ஒழுங்குமுறை ஆணைக்குழு, இலங்கை காப்பீட்டு சங்கம் மற்றும் இலங்கை பொலிஸ் திணைக்களம் ஆகியவற்றின் ஒத்துழைப்புடன் நடைமுறைப்படுத்தப்படவுள்ளதாக அமைச்சு குறிப்பிட்டுள்ளது.