இரகசியம் - பரகசியம் (01.01.2024)

வாசகர்களுக்கு புது வருட வாழ்த்துக்கள்.

இந்த ஆண்டின் முதலாவது நாளில், நான் புதிதாக எதுவும் என் பத்தியில் எழுதப் போவதில்லை.

இந்த வருடத்தின் முதல் நாளில் எங்களின் பொக்கற்றுகள் எவ்வாறு கரையப் போகின்றன என்பது தொடர்பில் முகநூல் பக்கம் ஒன்றில் வெளியான விவரங்களை அப்படியே மீள்பதிவு செய்கிறேன். இன்றைய விலை ஏற்றம் எப்படி இருக்கும் என்பதன் விளக்கம் அதுதான்:-

* எரிபொருட்கள் விலை 12 வீதத்தால் அதிகரிக்கின்றது.

* குறிப்பாக 92 ரகப் பெற்றோலின் விலை 40 ரூபாவினால் அதிகரிக்கின்றது.

* ரொ 95 பெற்றோல் விலை 35 ரூபாவினால் உயருகின்றது.

* டீசல் விலை ரூபா 40 ரூபாவினால் அதிகரிக்கின்றது.

* சமையல் எரிவாயு விலை 16 வீதத்தால் அதிகரிக்கின்றது. அதாவது 12.5 கிலோ சமையல் எரிவாயு சிலிண்டரின் விலை 500 ரூபாவால் அதிகரிக்கின்றது

* பஸ் கட்டணம் 15 வீதத்தினால் அதிகரிக்கின்றது.

* அதாவது குறைந்தபட்ச பஸ் கட்டணம் ரூபா 35 ஆக உயருகின்றது.

* ஓட்டோக் கட்டணம் இரண்டாவது கிலோமீற்றருக்கு கட்டணம் ரூபா 100 வால் அதிகரிக்கின்றது.

* PickMe-Uber கட்டணங்கள் 20 வீதத்தால் அதிகரிக்கின்றது.

* மின்சாரக் கட்டணத்தில் மாற்றம் ஏற்படாத போதும் Solar Panels 20 வீதத்தால் அதிகரிக்கின்றது.

* நீர்க் கட்டணம் குறைந்தது 3 வீதம் அதிகரிக்கின்றது.

* தபால் கட்டணம் குறைந்தது 7 வீதத்தால் கூடுகின்றது.

* அழைப்புக் கட்டணம், இணையச் சேவைக் கட்டணம், கட்டணத் தொலைக்காட்சி சேவைக் கட்டணம் போன்ற அனைத்து சேவைகளுக்கான கட்டணங்களும் அதிகரிக்கின்றது.

* மோட்டார் சைக்கிள்களின் விலை குறைந்தது ரூபா ஒரு இலட்சத்தினால் அதிகரிக்கின்றது.

* மொபைல் போன் விலைகள் 35 வீதம் அதிகரிக்கின்றது.

* அதாவது ரூபா100,000 மதிப்புள்ள மொபைல் போன் நாளை முதல் ரூபா 135,000 ஆக அதிகரிக்கின்றது.

* நகை மற்றும் தங்க விலைகள் 20 வீதத்தால் அதிகரிக்கின்றன.

* சிற்றுண்டிகளின் விலை 10 ரூபாவால் அதிகரிக்கின்றது.

* பால் தேநீர் விலை 10 ரூபாவாலும் சாதாரண தேநீர் விலை 5ரூபாவாலும் அதிகரிக்கின்றது.

* சோறு மற்றும் கொத்துரொட்டி பார்சல் விலை 25 ரூபாவால் அதிகரிக்கின்றது.

* பேக்கரி பொருடள்களின் விலைகள் ரூபா 5 முதல் ரூபா 15 வரை அதிகரிக்கின்றது.

* இது போதாதென்று மரக்கறி விலைகள் உச்சத்தை தொட்டு இருக்கின்றன.

* குறிப்பாக பச்சை மிளகாய் ஒரு கிலோ ரூபா 2,400 ஆக உயர்ந்து இருக்கின்றது.

* சிவப்பு வெங்காயம் ஒரு கிலோ ரூபா 600 ஆக உயர்ந்து இருக்கின்றது.

* முட்டை ரூபா 50 ஆக இருக்கிறது.