அன்பில் மகேஸ் கைது!

தனியார் பாடசாலைகளுக்கு அங்​கீகாரம் பெற்​றுத் தரு​வ​தாகக் கூறி 400 கோடி இந்திய ரூபாவுக்கு மேல் மோசடி நடந்​த​தாகக் கூறப்​படும் வழக்​கில், முன் பிணை மனுவை சென்னை உயர் நீதி​மன்​றம் தள்​ளு​படி செய்​ததை தொடர்ந்து தி.மு.க. முன்​னாள் அமைச்​சர் அன்​பில் மகேஸ் நேற்று மாலை கைது செய்​யப்​பட்​டார்.

கடந்த 2021–2026 தி.மு.க. ஆட்​சிக் காலத்​தில், தனியார் பாடசாலைகளுக்கு நிரந்​தர அங்​கீகாரம், பாடசாலைகளின் தரம் உயர்த்​து​தல் மற்​றும் டி.டி.​சி.பி. அனுமதி உள்​ளிட்ட பல்​வேறு அரசு அனுமதி​களைப் பெற்​றுத் தரு​வ​தாகக் கூறி கோடிக்​கணக்​கான ரூபாய் மோசடி செய்​யப்​பட்​ட​தாக சென்னை பொலிஸ் ஆணை​யர் அலு​வல​கத்​தில் தமிழ்​நாடு தனியார் பாடசாலைகள் கூட்​டமைப்​பின் செய​லா​ளர் இளங்​கோவன் புகார் அளித்​திருந்​தார்.

இந்த புகாரின் அடிப்​படை​யில் தமிழ்​நாடு தனியார் பாடசாலைகள் சங்​கக் கூட்​டமைப்​பின் முன்​னாள் தலை​வரும், தி.மு.க. பிர​முகரு​மான பி.டி.அரசகுமார் கைது செய்யப்பட்டார். அவர் 177 தனியார் பாடசாலைகளிடம் இருந்து 400 கோடி இந்திய ரூபாவுக்கு அதி​க​மாகப் பணம் பெற்றமை பொலிஸ் விசாரணையில் தெரியவந்​தது.

இந்த வழக்​கில் முன்​னாள் பள்ளிக் கல்வித்துறை அமைச்​சர் அன்​பில் மகேஸுக்கு தொடர்பு இருப்பது தெரியவந்தது. அரசகுமார் மற்​றும் அவரது குடும்​பத்​தினருக்​குச் சொந்​த​மான 20 வங்​கிக் கணக்​கு​களும், அன்​பில் மகேஸின் நெருங்​கிய நண்​பரும், சங்​கத்​தின் மாநில பொருளாள​ரும், முன்​னாள் சடடமன்ற உறுப்பினர்கள் முத்​துகுமார் தொடர்​புடைய 29 வங்​கிக் கணக்​கு​களிலும் பணப் பரிமாற்றங்கள் நடந்தமை கண்​டறியப்​பட்​டன.

இதன் தொடர்ச்​சி​யாக, அன்​பில் மகேஸ் மீதும் ஊழல் தடுப்​புச் சட்​டத்​தின் கீழ் வழக்​குப் பதிவு செய்​யப்​பட்​டது. கடந்த மாதம் 16 ஆம் திகதி சென்னை மற்​றும் திருச்​சி​யில் உள்ள அன்​பில் மகேஸின் வீடுகளில் பொலிஸார் சோதனை நடத்தினர். கடந்த மாதம் 18 ஆம் திகதி சென்னை வேப்​பேரி​யில் உள்ள பொலிஸ் ஆணை​யர் அலு​வல​கத்​தில் அன்​பில் மகேஸிடம் சுமார் 8 மணி நேரம் விசா​ரணை நடத்​தப்​பட்​டது.

இந்த வழக்​கில் முக்​கிய நபராகக் கருதப்​படும் முன்​னாள் சடடமன்ற உறுப்பினர் முத்​துகுமார் தொடர்ந்து தலைமறைவாக இருப்​ப​தால், அவர் வெளி​நாடு தப்​பிச் செல்​வதைத் தடுக்​கும் வகை​யில் அனைத்து விமான நிலை​யங்​களுக்​கும் உத்தரவு பிறப்​பிக்​கப்​பட்​டுள்​ளது.

இதைத் தொடர்ந்து முன்​பிணை கோரி அன்​பில் மகேஸ் சென்னை உயர் நீதி​மன்​றத்​தில் மனு தாக்​கல் செய்​திருந்​தார்.

இந்​நிலை​யில், அன்​பில் மகேஸ் முன்​ பிணை மனுவை தள்​ளு​படி செய்து நீதிபதி வி.லட்​சுமி நாராயணன் நேற்று தீர்ப்​பளித்​தார்.

தனது முன் பிணை தள்ளுபடி செய்யப்பட்டதை அடுத்து, நேற்று மதி​யம் அமைந்​தகரை நெல்​சன் மாணிக்​கம் வீதியில் உள்ள வழக்​கறிஞர் வில்​சனின் அலு​வல​கத்​துக்​குச் சென்ற அன்​பில் மகேஸ், உச்ச நீதி​மன்​றத்​தில் மேல்​முறையீடு செய்​வது தொடர்​பாக அவரிடம் ஆலோ​சனை நடத்​தினார்.

ஆலோ​சனை நடத்தி விட்டு வெளியே வந்த போது, சென்னை மத்​திய குற்​றப்​பி​ரிவு பொலிஸார் அவரை கைது செய்​துள்ளனர்.